Молитвы Преп. Мефодию Пешношскому

Издревле память преподобного Мефодия Пешношского почиталась не только в его святой обители, не только в Дмитровском уезде, но и далеко за пределами его границ: богомольцы из Твери и Вологды, из Рязани и Тулы, из Смоленска и даже Чернигова пешком стекались на торжества в древнюю обитель, чтобы присоединиться к хору братии, восхваляющего своего авву, духовного наставника и неленостного заступника.

Сегодня на нашем сайте мы публикуем для любочествого нашего читателя слова тех молитв, которыми восхвалялся Преподобный в те благодатные годы, которыми мы обращаемся к нему и в наши дни.

 

  Тропарь, глас 8

Божественною любовию от юности распаляемь, / вся, яже в мире красная, возненавидев, / Христа Единаго возлюбил еси, / и, сего ради в пустыню вселився, / в ней обитель сотворил еси, / и, собрав инок множество, / приял еси от Бога чудес дар, отче Мефодие, / и был еси о Христе собеседник и спостник преподобному Сергию, / с нимже у Христа Бога испроси православным христианом здравие, и спасение, // и душам нашим велию милость.

Кондак, глас 4

Послушания добрый рачитель быв, / безплотныя враги слезными молитвами твоими крепко посрамил еси / и явился еси Пресвятыя Троицы жилище, / Юже зря, блаженне, ясно, / богомудре Мефодие преподобне, / чудес дар от Нея приял еси. / Темже исцеляеши с верою приходящих недуги, / утоляеши скорби // и молишися непрестанно о всех нас.

Молитва

О, священная главо, земный ангеле и небесный человече, преподобне и богоносне отче наш Мефодие! Припадаем к тебе с верою и любовию, и молимся прилежно: яви нам, смиренным и грешным, святое отеческое твое заступление, се бо грех ради наших не имамы свободы чад Божиих просити о потребах наших Господа и Владыку нашего, но тебе, молитвенника благоприятнаго, к Нему предлагаем и просим тя со усердием многим: испроси нам у благости Его благопотребныя дары душам и телесем нашим - веру праву, надежду спасения несомненну, любовь ко всем нелицемерну, в искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и безмятежное житие, благую христианскую кончину и добрый ответ на Страшном Суде Христове. Не забуди, святче Божий, и обитель твою святую, тобою созданную и присно тя чтущую, но соблюди ю и всех живущих и подвизающихся в ней, и на поклонение в ню приходящих невредимыми от искушений диавольских и всякаго зла. Ей, преподобне отче! Не лиши нас помощи твоея небесныя, но молитвами твоими всех нас приведи в пристанище спасения и наследники яви нас быти всесветлаго Царствия Христова, да поем и славим неизреченныя щедроты Человеколюбца Бога, Отца и Сына и Святаго Духа и твое святое отеческое заступление во веки веков. Аминь.